इन्द्रेणी संवाददाता

घोराही,१७ चैत । हिन्दु जागरण नेपाल त्रिपुरको आयोजनामा नारायणपुरमा धार्मिक महायज्ञ सुरु भएको छ । चैत २४ गतेसम्म सञ्चालन हुने महायज्ञको भव्य कार्यक्रमका विच भुमिसुधार तथा व्यवस्था राज्यमन्त्री विक्रमबहादुर थापा र हिन्दु जागरण नेपालका अध्यक्ष एवं मुख्य वाचक पण्डीत रामकृष्ण उपाध्यायले सयुक्त रुपमा गर्नुभएको थियो । कार्यक्रममा बोल्दै राज्यमन्त्री थापाले हिन्दु राष्ट्र नेपालको पहिचान भएको भन्दै पुन नेपाललाई सनातन हिन्दु राष्ट्र नेपाल घोषणा गरिनुपर्ने बताउनुभएको छ ।

हिन्दुत्व सरक्षण तथा धर्म परिवर्तन विरुद्धको महाअभियान अन्तर्गत हिन्दु जागरण नेपाल त्रिपुर नगर समितिको दाङको नारायणपुरमा आयोजना गरेको श्रीमदभागवत हिन्दु जागरण ज्ञान महायज्ञको उदघाटन गर्दे राज्य मन्त्री थापाले नेपाललाई हिन्दु राष्ट्र घोषणा गर्नका लागि जनस्तरवाट राज्यलाई दवाफ दिनुपर्ने बताउनुभएको छ । ‘जनताहरुको चाहना भन्दापनि केही नेताहरुको चाहनामा हिन्दु राष्ट्रको पहिचान मेटाउने गरी नेपाललाई धर्मनिरपेक्षता घोषणा गरिएको भन्दै मन्त्री थापाले त्यस्ता नेताहरुलाई  जनताले चिनेर तह लगाउनुपर्ने समेत बताउनुभएको थियो ।’ हिन्दु राष्ट्र हुनुपर्ने आफ्नो पार्टीको मुख्य माग रहेको भन्दै मन्त्री थापाले हिन्दु राष्ट्रका लागि पाटी सरकार छोड्न समेत तयार रहेको बताउनुभएको थियो ।

त्यस्तै मन्त्री थापाले आफ्नो पाटी राष्ट्रिय प्रजातन्त्र पाटी नेपाल हिन्दु राष्ट्र,राजतन्त्र स्थापनासँगै गणतन्त्रको विरुद्धमा लागि रहेको भन्दै जनताहरुलाई आफ्नो पार्टीलाई सहयोग गर्न समेत अनुरोध गर्नुभएको थियो । त्यस्तै महायज्ञका प्रमुख बाचक तथा हिन्दु जागरण अभियान नेपालका केन्द्रीय अध्यक्ष आध्यात्यमीक शिरोमणि रामकृष्ण उपाध्यायले धर्मपरिवर्तनका लागि विरुद्धमा जनताहरु सजक हुनुपर्ने बताउनुभएको थियो । विभिन्न बहानामा अहिले इसाईहरु नेपालका गाउँ गाउँमा पसेर गरिवी,बेरोजगारीको फार्इृदा उठाएर धर्मपरिवर्तन गराउने गरेको भन्दै त्यस तर्फ सजक हुनुपर्ने समेत बतउाुनभएको थियो । अहिले हिन्दु धर्ममा भएका कमीकमजोरीहरुका साथै नेपालको गरिवी,अशिक्षा र बेरोजगारीको फाइदा उठाउदै क्रिरिसियनहरुले नेपालमा चलखेल गरिरहेको बताउनुभएको थियो ।

महायज्ञ मुल आयोजक समितिका सयोजक टेकबहादुर खड्काको अध्यक्षता भएको कार्यक्रमम प्रमुख जिल्ला अधिकारी दिपक काफ्ले, नेपाल पत्रकार महासघ दाङका सल्लाहकार सविन प्रियासन, महायज्ञका सल्लाहकार एवं समाजसेवी माधवप्रसाद पाण्डे, नारायणपुर उद्योग वाणिज्य संघका अध्यक्ष गोपालप्रसाद लम्साल, क्षेत्री समाज दाङका अध्यक्ष यमानन्द जिसी, राप्ती मुस्लीम समाजका अध्यक्ष अजमद अलि सिद्धिकी लगायतकाले बोल्नुभएको थियो । महायज्ञको बारेमा प्रवचन टोलीकी राधा रिमालले जानकारी गराउनुभएको थियो । सल्लाहकार भोलानाथ योगीका स्वागत  मन्तव्यवाट सुरुभएको कार्यक्रमको सञ्चालन आरके सितलले गर्नुभएको थियो ।

इन्द्रेणी संवाददाता
घोराही, १७ चैत । जिल्ला वन क्षेत्र समन्वय समिति दाङले घर बनाउदा चोरीका काठ प्रयोग नगर्न सबैलाई आग्रह गरेको छ । समन्वय समितिका संयोजक स्थानिय विकास अधिकारी रमेश गौतमको अध्यक्षता बसकेको वैठकले  घर बनाउदा चोरीका काठ प्रयोग नगर्न आग्रह गर्नका साथै कतै चोरीको काठले घर बनाएको पाइएमा घरधनीलाई सख्त कारबाही गर्ने निर्णय गरेको हो ।

त्यस्तै बैठकले वन पैदावार अबैध रुपमा कटानी तथा ओसार पसार गर्दा पक्राउ परि वरामद गरिएका वन पैदावार राख्नका लागी गोदाम घर निर्माण गर्ने निर्णय गरेको छ । वरामद वन पैदावार राख्ने गोदाम घर नहुँदा वरामद गरिएका वषौ देखीका काठहरु जिल्ला वन कार्यालय परिसरमा कुहिन थालेका छन् । बैठकले गोदाम घर निर्माणका लागी विभिन्न सहयोगी निकायहरुलाई सहयोग गर्न आग्रह पनि गरेको छ । गत वर्षको तुलनामा यस वर्ष वनमा डढेलो लाग्ने क्रम बढेको देखिएकाले डढेलो नियन्त्रणका लागी प्रचार प्रसार अभियान थाल्ने निर्णय बैठकले गरेको छ ।

बैठकमा जिल्ला वन अधिकृतले जिल्लाका वाढि पीडितका लागी वितरण गर्ने काठ तयारी अबस्था रहेपनि अहिले सम्म कोहि पनि सम्पर्कमा नआएको जानकारी गराउनु भयो । गाउँ विकास समितिका सचिव मार्फत वाढि पीडितहरुलाई काठ लिन कार्यालयको सम्पर्कमा आउन आग्रह गरिएको उहाँले बताउनु भयो । बैठलाई सम्बोधन गर्दै प्रमुख जिल्ला अधिकारी काफ्लेले वन क्षेत्रको क्षेयीकरण नहुने गरि जिल्लाको विकासका लागी वन क्षेत्र प्रयोगमा ल्याउन सुझाव दिनुभयो । उहाँले जिल्लाको वन क्षेत्र र वन पैदावार आपूर्तिमा देखिएका समस्या कानून तथा निती नियम विपरित नहुने गरि सहजीकरण मार्फत समाधान गर्न जिल्ला वन कार्यालयलाई निर्देशन दिनुभयो । बैठकमा जिल्ला वन कार्यालय, जिल्ला कृषी विकास कार्यालय, जिल्ला भू संरक्षण कार्यालय लगायत जिल्ला वन क्षेत्र समन्वय समितिका सदस्य सँघ सँस्थाहरुले प्रगति प्रतिवेदन प्रस्तुत गरेका थिए ।

इन्द्रेणी संवाददाता 

घोराही, १७ चैत । विद्यार्थीहरुले आइरन गेटको रुपमा परिचित प्रवेशिका परिक्षा (एसएलसी) आजदेखि देशभर सुरु हुदै छ । परिक्षाको लागि सम्पुर्ण तयारी पुरा भएको जिल्ला शिक्षा कार्यालयले जनाएको छ । आज विहान आठ बजेदेखि सुरुहुने परिक्षा ११ बजे सकिने छ ।  परिक्षाका लागि यस बर्ष जिल्लाका ४२ परीक्षा केन्द्रहरु निधारण गरिएको छ ।

दाङमा  यस वर्ष जिल्ला वाट १४ हजार दुई सय ८६ जना विद्यार्थी परिक्षामा सहभागि हुँदैछन् । जसमा  नियमित पाँच हजार हजार दुई सय ३० जना छात्रा र चार हजार छ सय ८६ छात्र गरी नौ हजार नौ सय १६ जना विद्यार्थीहरु रहेको जिल्ला शिक्षा कार्यालयले जानकारी दिएको छ । त्यस्तै इक्जामटेड तर्फ दुई हजार नौ सय १२ छात्रा र एक हजार चार सय सय १८ छात्र गरी चार हजार तीन सय ७० जना विद्यार्थीहरु परिक्षामा सहभागि हुने भएका छन । यस वर्ष  तीन सय ६७ जना विद्यार्थीहरुले एसएलसी परिक्षा दिनवाट बञ्चीत भएको जिल्ला शिक्षा कार्यालयले जनाएको छ ।

त्यस्तै यस वर्ष प्राविधिक एलएलसी दिने विद्यार्थीहरुको लागि घोराहीको पद्मोदय पव्लिक उच्च माध्यामिक विद्यालयमा परिक्षा केन्द्र निधारण गरिएको जिल्ला शिक्षा कार्यालय दाङले जनाएको छ ।  परिक्षा विहान ८ वजेदेखी ११ वजे हुने भएको छ । परिक्षाको सम्वन्धीत परिक्षा केन्द्रहरु उत्तर पुस्तीका पु¥याएसकेको कार्यालले जनाएको छ । परिक्षाको पहिलो दिन आज अङग्रेजी विषयको जाच दिने भएका छन ।

  जिल्ला शिक्षा कार्यालय दाङले परिक्षाका लागि गर्नुपर्ने सम्पूर्ण तयारी पुरा भएको जनाएको छ । परिक्षाका लागि आवश्यक पर्ने सुरक्षाका लागि जिल्ला प्रहरी कार्यालयसंग समन्वय भइसकेको जिल्ला शिक्षा कार्यालयका सहायक जिल्ला शिक्षा अधिकारी चेतनशिल लम्सालले जानकारी दिनुभयो । परिक्षाका लागि हरेक केन्द्रमा कम्तीमा पनि १० जना जनपथ प्रहरी परिचालन गरिनेछ ।

इन्द्रेणी संवाददता
देउखुरी, १७ चैत ।
गढवा गाविस वडा नं. ५ मनिकापुर निवासी खरक बहादुर पुनको घरमा आगलागी हुदा डेढ लाख वढीको क्षती भएको छ ।
अस्ती दिउसो घरमा कोही नभएको अवस्थामा एक्कासी आगो लागेको र आगलागीका कारण घरमा रहेका दारपात, लत्ता कपडा, भाँडा कुडा सवै जलेर खरानी भएको स्थानीय रेशमान वुढाथोकीले जानकारी दिनु भएको छ ।

आगो स्थानीय वासिन्दा र दमकलको मद्धते नियन्त्रणमा लिइएको थियो ।।

इन्द्रेणी संवाददता
दाङ, १७ चैत्र ।
हिजो परेको नेपाल पत्रकार महासंघ दाङ शाखाले ६१ औं स्थापना दिवस भालुवाङ्गमा अन्र्तक्रिया कार्यक्रमको आयोजना गरी मनाएको छ । पत्रकार महासंघको स्थापना दिवस र राप्ती द्धार साप्ताहीकको प्रथम वार्षिकत्सवको अवसरमा पूर्व देउखुरी भालुवाङ्गमा भालुवाङ्ग क्षेत्रका समस्या र समाधानको उपाय विषयक अन्र्तक्रिया कार्यक्रमको आयोजना गरिएको हो ।

सरकारी निकायलाई भालुवाङ्गको विकासमा केन्द्रित गर्न स्थानीय स्तरवाट रचनात्मक दवाव सृजना गर्नुपर्ने कार्यक्रममा जोड दिइएको छ । भालुवाङ्गमा ३१ विगाह जमिनमा अस्थाई वसोवास छ । यो वसोवासलाई स्थायी नगर्दा सम्म भालुवाङ्गको विकास सम्भव नरहेको स्थानीयको भनाई छ ।नगरविकास समितिले पनि भालुवाङ्गको अस्थाई वसोवासलाई ब्यवस्थीत गर्न खोजेपनि त्यो पुरा हुन सकेको छैन । प्यूठान, अर्घाखाँची, रोल्पाको द्धारको रुपमा रहेपनि भालुवाङ्ग क्षेत्रको विकास स्थानीयको अपेक्षा भन्दा सुस्त गतीमा अघि वढेको अनुभव गरिएको छ ।
कार्यक्रममा प्रमुख अतिथि नेपाल पत्रकार महासंघका पूर्व केन्द्रिय अध्यक्ष धर्मेन्द्र झाँले भालुवाङ्गको विकासकालागी भालुवाङ्गवासी नै तात्नुपर्ने आवश्यक्ता औंल्याउनु भयो । एक अर्काे प्रसंगमा पत्रकार महासंघका पूर्व अध्यक्ष झाँले संविधानमा ब्यवस्था भए अनुसार पत्रकारीतालाई अघि वढाउन नयाँ संचार नितिको आवश्यक्ता पर्ने वताउनु भयो ।

नेपाल पत्रकार महासंघ दाङका अध्यक्ष शुदीप गौतमको अध्यक्षतामा सम्पन्न भएको कार्यक्रममा वोल्ने वक्ताहरुले पत्रकार समाजका अभिन्न अङ्ग भएकाले समाजप्रति उत्तरदायी भई कलम चलाउन सुझाव दिएका छन् । संवेदनशील भएर कमल चलाए समाजमा त्यसले सकारात्मक शन्देश दिने वक्ताहरुको जोड दियो । राप्ती द्धार पत्रिकाका सम्पादक केशव वोहराको स्वागत मन्तब्य वाट सुरु भएको कार्यक्रममा पत्रकार ओमप्रकास गुप्ताले देउखुरीमा सञ्चारको विकास, समस्या र चुनौतीका वारेमा कार्यपत्र प्रस्तुत गर्नु भएको थियो । कार्यक्रमको सहजीकरण मिना भट्टराई र चम्पकराज कार्कीले संयुक्त रुपमा गर्नु भएको थियो । कार्यक्रममा राप्ती द्धारले १२ जना वढी ब्यक्तिलाई सम्मान र प्रसंशा पत्र प्रदान गरेको थियो ।।

इन्द्रेणी संवाददता
नारायणपुर, १७ चैत
हिन्दु जागरण नेपाल त्रिपुरको आयोजनामा आजदेखी नारायणपुरमा धार्मिक महायज्ञ हुन लागेको छ । नारायणपुरमा सुर्यनारायण मन्दिर, धर्मशाला निर्माण एवं हिन्दुत्व संरक्षण गर्ने उद्धेश्यका साथ आयोजना गरिएको श्रीमद् भागवत ज्ञानमहायज्ञ तथा धनधान्याञ्चल अनुष्ठान २०७२ आजदेखी २४ गतेसम्म सन्चालन हुनेछ ।

महायज्ञको उद्घाटन भूमीसुधार तथा व्यवस्था मन्त्री विक्रमबहादुर थापाले गर्नुहुने मूल आयोजक समितिका संयोजक टेकबहादुर खड्काले जानकारी दिनुभयो । महायज्ञको लागी मुख्य वाचक तथा वाद्यवादकको टोली दाङमा रहेको छ । यसैगरी मुख्य वाचक शिरोमणी पण्डित रामकृष्ण उपाध्याय सहितको टोली दाङ पनि आईपुगेकोे छ ।

आज पहिलो दिन शोभायात्राको तयारी पनि पुरा भएको छ । शोभायात्रामा त्रिपुर नगरपालिका सहित जिल्ला स्तरका हिन्दु धर्मालम्वीहरुको सहभागीता रहने शोभायात्रा व्यवस्थापन उपसमितिका संयोजक चन्द्रप्रसाद चौधरीले बताउनुभयो । विभिन्न संस्कृति भेषभुषा सहित झाँकी जुलुसको शोभायात्रा विहान  त्रिपुर ३ सौडिकुलाबाट सुरु हुने र त्यसपछि महायज्ञको उद्घाटन गरिने छ ।।