इन्द्रेणी संवाददाता
काठमाण्डौ, १७ चैत्र
बेलायती राजकुमार हृयारी आज स्वदेश फर्किनुहुँने भएको छ । ११ दिने बसाइ सकेर आज बेलुका ह्यारी स्वदेश फर्किनुहँने भएको हो । बेलायती दूतावास स्रोतका अनुसार हृयारी बेलुका ९ः१५ को कतार एयरवेजको विमानबाट स्वदेश फर्किदै हुँनुहुँन्छ ।
हृयारी हिजो अपराहृन गोरखाको लापू गाविसबाट काठमाडौं आउनुभएको थियो । उहाँ लैनचौरस्थित बेलायती दूतावासमै बस्नुभएको छ । नेपालमा रहदा ह्यारीले राष्ट्रपति, प्रधानमन्त्री लगायतसँग भेटघाट गर्नुभएको थियो । उहाँले पाटन दरबार स्क्वायर क्षेत्रसँगै बर्दीया, पोखरा लगायतका जिल्ला भ्रमण गर्नुभएको थियो ।
साथै भुकम्प प्रभावित जिल्लाहरुमा पुगि भौतिक संरचना निर्माणमा समेत सहभागिता जनाउनुभएको थियो । ६ चैतमा नेपालको औपचारिक भ्रमणमा आउनुभएका बेलायती राजकुमार हृयारीले बसाइ ६ दिन लम्ब्याउनुभएको थियो ।।
