धादिङ, ३१ असार । पृथ्वी राजमार्ग अन्तर्गत बेनिघाट रोराङ गाउँपालिकाको खटौटीमा यात्रुबाहक बस र ट्रक एक आपसमा ठोक्किँदा ३१ जना घाइते भएका छन् ।
महोत्तरीबाट काठमाडौंका लागि छुटेको ३१ ना ५ ख ५०२ नम्बरको यात्रु बस र विपरितबाट जाँदै गरेको ना ६ ख १२४ नम्बरको ट्रक शनिबार
धादिङको बेनिघाट रोराङ गाउँपालिका– ९ खटौटी पुल नजिक ठोक्किँएर दुर्घटना भएको हो । दुर्घटनामा बस र ट्रक दुबै सवारीका चालकसहित ३१ जना घाइते भएको इलाका प्रहरी कार्यालय गजुरीका प्रहरी निरीक्षक बरुणबहादुर सिंहले जानकारी दिए।
दुर्घटनामा गम्भीर घाइते तीन जनालाई उपचारका लागि काठमाडाँै लगिएको छ भने अन्य घाइतेको मलेखुस्थित राजमार्ग सामुदायिक अस्पताल र गजुरी प्राथमिक स्वास्थ्य केन्द्रमा उपचार भइरहेको छ ।
