इन्द्रेणी संवाददाता
दाङ, ३० असार । विभिन्न क्षेत्रमा रहेर लामो समयदेखि काम गर्दै आएका दाङका युवा प्रतिभा तथा उद्यमीहरुलाई सम्मान गरिएको छ ।
युवाहरुको प्रतिभा तथा उद्यमीहरुलाई खोजी तथा पहिचान गरी जिल्ला युवा समितिको कार्यालयले जिल्लाका ६ जना युवाहरुलाई सम्मान गरेको हो ।
यसरी सम्मानित हुनेमा तुलसीपुरका हरिबहादुर रोका, चोपबहादुर खड्का, घोराहीका सुवर्ण श्रेष्ठ, लुमाकान्त पाण्डे, गोकर्ण पौडेल, र शिशिर लम्साल रहेका छन् । उनीहरुले ब्यबसाय, उद्यम, सुचना तथा सञ्चार प्रविधिको विकास तथा विस्तार, कला, साहित्य र संगीत तथा पत्रकारीताको क्षेत्रमा काम गर्दै आएका छन् ।
जिल्ला युवा समितिको कार्यालयका अध्यक्ष सुरेश रावतको अध्यक्षता तथा घरेलु तथा साना उद्योग कार्यालयका निमित्त प्रमुख उमबहादुर वलीको प्रमुख आतिथ्यता एब पशु सेवा कार्यालयका निमबहादुर पुनको विशिष्ठ आतिथ्यतामा कार्यक्रमको आयोजना गरी सम्मान गरीएको हो ।
