१० वैशाख, काठमाडौं ।
नेपाल प्रहरीमा कार्यरत कोही पनि अधिकृत वा जवानहरुले अबदेखि फेसबुकमा युनिफर्मसहितको फोटो पोस्ट गर्न वा प्रोफाइल तस्वीरमा राख्न नपाउने भएका छन् ।
नेपाल प्रहरी हेडक्वाटरले यसबारे एक सर्कुलर जारी गर्दै युनिफर्मवाला तस्वीर फेसबुकमा नराख्न निर्देशन दिएको हो ।
त्यस्तो तस्वीर कसैले फेसबुकमा राखेको भए तत्काल हटाउन चेतावनीसमेत प्रहरी हेडक्वार्टरले मातहतका निकायलाई दिएको छ ।
प्रहरी महानिरीक्षकको सचिवालयका तर्फबाट जारी गरिएको यस्तो सर्कुलरमा सचिवालयका डीआइजी माधवप्रसाद जोशीले हस्ताक्षर गर्नुभएको छ ।।
