२४ साउन, काठमाडौं ।
बिहारबाट अपहरित भारतीय बालिकाको नेपाल प्रहरीबाट उद्धार भएको छ । गत बिहीबार भारतको बिहारबाट अपहरणमा परेकी एक बालिकाको नेपाल प्रहरीले विराटनगरबाट उद्धार गरेको हो ।
स्कुलबाट छुट्टी भएलगत्तै अपहरणमा परेकी ४ वर्षीया बालिका स्पर्श अग्रवालको नेपाल प्रहरीले उद्धार गरेको हो ।
बिहारको कटिहारस्थित एनबिआर स्कुलमा केजीमा अध्ययनरत ति बालिका बिहारमा पेट्रोलपम्प सञ्चालन गर्दै आएका भानु अग्रवालकी छोरी हुन् ।
पेट्रोल पम्प सञ्चालक भानुकै ड्राइभर मिथुन पासवानले बालिकाको अपहरण गरेको खुलेको छ । उनलाई साथ दिने विराटनगरका दिनेश गुप्ता र अर्का एक ड्राइभरलाई प्रहरीले पक्राउ गरेको छ ।।
