काठमाण्डौ, २० साउन
नवनिर्वाचित प्रधानमन्त्री पुष्पकमल दाहालले पद तथा गोपनियताको सपथ लिनुभएको छ । राष्ट्रपति कार्यालय शितल निवासमा बिहीबार आयोजित विशेष समारोहमा राष्ट्रपति विद्या भण्डारीले प्रधानमन्त्री प्रचण्डलाई सपथ खुवाउनुभएको हो ।
नेकपा माओवादी केन्द्रका अध्यक्ष समेत रहेका प्रधानमन्त्री दाहालले देश र जनताको नाममा सपथ ग्रहण गर्नुभएको हो । सपथ ग्रहण कार्यक्रममा प्रचण्ड सुट र भादगाउँले टोपीमा सहभागी हुनुभयो ।
प्रचण्ड सरकारमा कृष्णबहादुर महरा र विमलेन्द्र निधि उपप्रधानमन्त्री नियुक्त हुनुभएको छ । प्रधानमन्त्री प्रचण्डलाई सपथ ग्रहण गराएपछि राष्ट्रपति भण्डारीले उपप्रधानमन्त्रीद्वय निधि र महरालाई सपथ खुवाउनुभयो । निधि नेपाली कांग्रेसबाट र महरा माओवादी केन्द्रका नेता हुनुहुन्छ ।।
