इन्द्रेणी संवाददाता
दाङ । दाङमा इनारमा खसेका एक जनाको जिवितै उद्धार गरिएको छ ।
तुलसीपुर उपमहानगरपालिका १७ स्थित छविलाल वलीको घरमा रहेको इनार सफा गर्ने क्रममा इनारमा खसेका प्याउला थारुको लुम्बिनी प्रदेश प्रहरी विपद व्यबस्थापन गुल्मबाट खटिएको प्रहरी टोली उद्धार गरेको हो ।
इनार सफा गर्ने क्रममा थारु ३०/३५ हात गहिरो इनारमा खसेका थिए । उनी इनारमा खसेको सूचना पाएपछि प्रहरी त्यहाँ पुगेको थियो । समयमा जानकारी पाएपछि उनलाई जिवितै उद्धार गर्न सफल भएको लुम्बिनी प्रदेश प्रहरीले जनाएको छ ।
