सुर्खेत। सुर्खेतबाट कालीकोट जाँदै गरेको भे १ च २५६० नम्बरको बोलेरो जिप दुर्घटनामा परी ज्यान गुमाएका चारमध्ये तीन जनाको सनाखत भएको छ । मृतक सबै कालीकोटका हुन् ।
जिप दुर्घटनामा ज्यान गुमाउनेहरुमा कालीकोटको शुभकालिका गाउँपालिका–३ का ३७ वर्षीय वीरेन्द्र बिक, ३१ वर्षीय नवराज बिक र २१ वर्षीया पुष्पा बिकको मृत्यु भएको खुलको हो । अर्का एक जनाको भने सनाखत हुन बाँकी छ ।
बिहीबार बिहान दुई बजे ६ जना यात्रु लिएर कालीकोट जाँदै गरेको बोलेरो जीप सुर्खेत–दैलेख सडक खण्डअन्तर्गत वीरेन्द्रनगरस्थित रातानाङ्गला नजिकै दुर्घटना भएको थियो ।
दुर्घटनामा कालीकोटको खाँडाचक्र नगरपालिका ७ का २५ वर्षीय नरेन्द्र बिष्ट र शुभकालिका गाउँपालिका ३ का २८ वर्षीय नरि बिक घाइते छन् । बिष्ट बोलेरो चालक हुन् । घाइते दुई जनाको प्रादेशीक अस्पताल सुर्खेतमा उपचार भइरहेको छ ।
