सल्यान, ७ साउन
सल्यानमा बोक्सी भगाउने भन्दै एक महिलालाई दुब्र्यवहार गर्ने ५ जना पक्राउ परेका छन । जिल्ला प्रहरी कार्यालय सल्यानले कुपिण्डे ४ की १९ बर्षिया एक महिलालाई बोक्सीको आरोपमा शारिरिक तथा मानसिक यातना दिएको आरोपमा रुपलाल दमाई, गंगा दमाई, लाली पुन, रुपा थापा र पिमकली बुढाथोकीलाई नियन्त्रणमा लिएको हो । 
उनिहरुले गत जेठ २३ गते पिडीत महिलालाई बोक्सी भन्दै जंगलमा लगेर सिस्नुपानी लगाउनुका साथै दिसा समेत खुवाएका थिए । डेढ महिना अघिको घटना भएपनि विदेशमा रहेका श्रीमान घर फर्किएपछि ढिलोगरी सार्वजनिक भएको हो ।।
