दाङ, ६ साउन
दाङ प्रहरीले जुवाडेहरुलाई धमाधम पक्राउ गरिरहेको छ । ईलाका प्रहरी कार्यालय तुलसीपुरले फेरिपनि नगदसहित चार जना जुवाडेलाइ नियन्त्रणमा लिएको छ । पश्चिम दाङको पवननगरको भमकेमा जुवाको खालमा छापा हान्दा ४१ हजार ५ रुपैया नगदसहित चार जना जुवाडेलाई पक्राउ गरेको प्रहरीले वताएको छ । 
पक्राउ पर्नेमा पवननगर ४ का शुवास ढकाल, पोषण शर्मा, शान्तिनगर ४ का विजय कँडेल र हेकुली ५ का अशोक कँडेल रहेको ईलाका प्रहरी कार्यालय तुलसीपुरका प्रवक्ता सन्तोष रोकाले जानकारी दिनुभयो । प्रहरी निरिक्षक खुमानन्द पाण्डेको टोलिले जुवा खेलिरहेको अवस्थामा नगद सहित उनीहरुलाई पक्राउ गरेको हो ।
त्यस्तै प्रहरी नायव निरिक्षक बुद्धि राणाको टोलिले मानपुर गाविसबाट लागुऔषध गाँजा सहित थप एक जनालाई पक्राउ गरेको छ । मानपुर ८ मज्गै निवासी गिरिराज बुढाथोकीलाई एक सय ३० ग्राम गाँजा सहित पक्राउ गरेको प्रवक्ता रोकाले बताउनुभयो । पक्राउ परेका सबैलाई आवस्यक काराबाही प्रक्रिया सुरु गरिएको प्रहरीले बताएको छ ।।
