जाजरकोट,२ साउन । जाजरकोट प्रहरीले लागु औषध अफिम सहित दुई जनालाई पक्राउ गरेको छ । पक्राउ पर्नेमा नायकबडा–६ का नीमबहादुर सिंह र नायकबडा–८ का कुशबहादुर महतारालाई प्रहरीले प्रक्राउ गरेको छ ।
लागु औषध नियन्त्रण ब्युरो कोटेश्वर काठमाडौं र जिल्ला प्रहरी कार्यालय जाजरकोटको संयुक्त प्रहरी टोलीले भेरीमालिका नगरपालिका–४ शान्तिचौताराको एक होटलमा लुकाईछिपाई राखेको अवस्थामा एक किलो चार सय ग्राम लागुऔषध अफिमसहित उनीहरुलाई प्रक्राउ गरेको हो । उनीहरु माथि थप अनुसन्धान भइरहेको जिल्ला प्रहरी प्रमुख प्रहरी नायब उपरिक्षक दानबहादुर मल्लले बताउनुभयो ।
यस अघि पनि जाजरकोट प्रहरीले जाजरकोटमा लयाएको झण्डै ६० रोपनी जग्गामा लगाएको अफिम खेती नष्ट गरेको थियो ।।
