काठमाडौं । नेपाल कम्युनिष्ट पार्टी (नेकपा)मा देखिएको विवाद समाधानको प्रयास स्वरुप पार्टीका कार्यकारी अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओली निकटका नेताहरुसँग छलफल गरेका छन् । प्रचण्डलाई भेट्न महासचिव विष्णु पौडेल, संसदीय दलका उपनेता सुवास नेम्वाङ, रक्षामन्त्री ईश्वर पोखरेल र राजनीतिक सल्लाहकार विष्णु रिमाल खुमलटार पुगेका छन् ।

पार्टीमा देखिएको विवाद र समाधानको प्रयासका विषयमा प्रचण्डले छलफल गरिरहेका नेताहरुको भनाइ छ । प्रचण्डले पार्टी दर्तामा ओलीको संलग्नताका प्रमाण देखाउँदै आफूलाई भेट्न पुगेका नेताहरुको संलग्नतामा प्रश्न गरेका स्रोतको भनाइ छ । भेटवार्तामा सम्भावित कदम र निकासको प्रयासमा छलफल भइरहेको छ ।