काठमाडौं, २५ असर। सत्ता साझेदार माओवादी केन्द्र संग भद्र सहमति कार्यान्वयन गर्नुको साटो प्रधानमन्त्री केपी ओली सत्ता टिकाउन आफुलाई समर्थन गर्न भनि नेपाली काङ्ग्रेसका सभापति शेर बहादुर देउवा लाइ गुहार गर्न पुगेका छन् । माओवादी केन्द्रले विगतमा भएको भद्र सहमतिअनुसार नेतृत्व आफूलाई दिन दबाब दिएपछि प्रधानमन्त्री एवं एमाले अध्यक्ष केपी ओलीले कांग्रेसलाई फकाउन थालेका छन् ।
यसअघि संविधान जारी भएपछि एमालेलाई नेतृत्व दिने सहमति भएको भन्ने विषयमा कांग्रेस र एमालेबीच मतभेद बढेपछि दुई दलको सम्बन्ध बिग्रिएको थियो । स्रोतका अनुसार ओलीले कांग्रेस सभापति शेरबहादुर देउवासँग एक महिनायता तीनपटक गोप्य भेटवार्ता गरेका छन् ।
