सल्यान, ३ फागुन । सल्यानमा ६४ वटा कृषक समूहलाई अगुवा कृषक तालिम प्रदान गरिएको छ । उन्नत कृषि केन्द्र कपुरकोटले सल्यानसहित दाङ र रोल्पामा गठन भएका ६४ वटा कृषक समूहका अध्यक्षहरुलाई तालिम प्रदान गरेको हो ।
खेती गर्दा माटोको गुणस्तर कस्तो हुनु पर्दछ । विरुवालाई आवश्यक पर्ने मलखाद तथा पोषकतत्व, माटाको पि एच मान, रोग किरा को बारेमा अल्फा एग्रो विरगन्जको सहकार्यमा तालिम प्रदान गरिएको उन्नत कृषि केन्द्रका सञ्चालक घनश्याम शर्माले जानकारी दिए ।
सल्यान जिल्लाको कपुरकोट गाउपालिका, त्रिवेणी गाउपालिकाको टुनिबोट र सल्लेखोला, रोल्पा जिल्लाको त्रिवेणी गाउपालिकाको बुढागाउ चक्री र तुलसीपुर उपमहानगरपालिका वडा नं.३ को राम्रीमा गठन गरिएका ६४ वटा कृषक समूहका अध्यक्षहरुलाई तालिम दिइएको हो ।
