रसुवा, ११ कार्तिक । भूकम्पले विनाश भएको लाङटाङ तथा गोसाइँकुण्ड क्षेत्रको पदयात्राका लागि यो सिजनमा पर्यटकको आगमनमा वृद्धि हुन थालेको छ ।  विनाशकारी भूकम्पका कारण लाङटाङ पूरै बस्ती उजाड भएको थियो ।

lagtagलाङटाङको पूरै क्षेत्रविस्थापित भएको थियो । आजको गोरखापत्रमा खबर छ- स्थानीय पर्यटन व्यवसायीहरू फर्केर आवास तथा होटल निर्माण गरेर व्यवसाय सुरु गरेपछि पर्यटक आउन थालेका हुन् । बाटोघाटो, खाना बास, होटललज निर्माण भएकाले पर्यटक आगमन बढेको स्थानीय गोसाईकुण्ड गाउँपालिका वडा नं ४ का वडा अध्यक्ष सुप्पा लामाले जानकारी दिए ।

लाङटाङ राष्ट्रिय निकुञ्जका सहायक संरक्षक अधिकृत शिव गैरेका अनुसार साउन र भदौमा ६५५ जना पर्यटक आएकामा शरद् ऋतु असोज र कात्तिक पहिलो सातासम्म दैनिक सयभन्दा बढीपर्यटक आएका छन् । पर्यटकको आगमनले स्थानीयस्तरमा चहलपहलसमेत बढ्न थालेको बताइएको छ ।

पर्यटकको आगमनले निकुञ्जको प्रवेश शुल्कवापत पर्यटकबाट मूल्य अभिवृद्धि करसमेत करिब ७० लाख रुपियाँ राजस्व सङ्कलन भइसकेको लाङटाङ राष्ट्रिय निकुन्ज कार्यालयले जनाएको छ । यहाँ आउने पर्यटकमा बेलायत, जर्मनी, फ्रान्स, इजरायल, नेदरल्याण्ड्स, अष्टे«लिया, स्वीट्जरल्याण्ड, जापान, दक्षिण कोरिया, अमेरिकालगायत देशका छन् ।

गतवर्ष यस अवधिमा दुई हजार ९७८ पर्यटक आएका थिए भने यस वर्षको कात्तिकभरमा झण्डै तीन हजार पाचसय पर्यटक आउने अनुमान गरिएको निकुञ्जका प्राविधिक रमेश बस्नेतले बताए ।

गत आर्थिक वर्षमा१३ हजार ७८९ विदेशी पर्यटकको आगमन भएको जनाइएको छ । पर्यटकहरू लाङटाङ क्षेत्रको मनमोहक दृश्य, गोसाइँकुण्ड एवं स्थानीय कला, संस्कृति, भेषभूषा अवलोकन गरी फर्कने गरेको स्थानीय व्यवसायी फिन्जो तामाङले बताए ।

स्याफ्रुबेंसीबाट एउटा मार्ग खाम्जिङ, शेर्पागाउँ र अर्को मार्ग खोलाको तीरैतीर जाने बताउँदै घोडातबेलाका पर्यटन व्यवसायी ढिण्डुप तामाङले स्याफ्रुबाट पर्यटक हिँडेपछि एक दिन लामा होटल र अर्को दिन क्याङ्जिन पुग्ने गरेका छन् ।

समुद्री सतहदेखि तीन हजार नौसय मिटर उचाइको क्याङ्जिनबाट पर्यटकले दोर्जे लाक्पा, चेर्कोरी, क्यान्जि रीलगायत अग्ला स्थानको अवलोकन गर्ने गरेका छन् । क्यान्जिन हिमउपत्यका पुगेका पर्यटकको बसाइ कम्तीमा तीन दिन हुने भएका कारण होटल व्यवसायीले सिजन अनुसार मनग्य आम्दानी गर्ने गरेको बताइएको छ ।