इन्द्रेणी संवाददाता
दाङ, २२ जेठ
सल्यान र प्युठानमा भएको छुटछुट्टै ट्याक्टर दुर्घटनामा चालक र सहचालकको मृत्यु भएको छ । सल्यान छायाँक्षेत्र गाविस २ मा भएको टयाक्टर दुर्घटनामा चालक फलावाङका २५ वर्षिय गिरिराज रावतको मृत्यु भएको सल्यान प्रहरीले जानकारी दिएको छ ।
रावत फलावाङ ७ घरभई हाल त्रिवेणी गाविसको लुहाममा बस्दै आएको इलाका प्रहरी कार्यालय लुहामले जानकारी दिएको छ । छायाक्षेत्रको साङकोट खोलाबाट घर बनाउने ढुंगा बोकेको रा १ त १९०६ नं को ट्याक्टर अनियन्त्रित भई दुर्घटनामा परेको थियो ।
यस्तै, प्युठानमा ट्याक्टर दुर्घटना हुँदा सहचालकको ज्यान गएको छ । प्यूठान नगरपालिका–४ विजुवारमा रा १ त २३७८ नम्वरको ट्याकटर दुर्घटनामा हुँदा सहचालक विजुवार पूण्यखोलाका ३३ वर्षिय शरद केसीको घटनास्थलमै ज्यान गएको हो ।
दुर्घटनाको कारण खुल्न नकसेपनि ट्याक्टर सडकबाट झण्डै २० मिटर तल खसेको थियो । दुर्घटनामा परी अन्य तीन जना घाइते भएको प्यूठानका प्रहरी नायव उपरिक्षक रंजितसिँह राठौरले जानकारी दिनुभयो ।।
