बाँके, ७ माघ । बाँकेको नेपालगन्जमा एक जनाले जिउदै श्रीमतीमाथि आगो लगाएका छन् । बिहीबार बेलुका खाना खाने बेलामा विवाद भएपछि नेपालगञ्का राजेन्द्र खटिकले श्रीमतीलाई आगो लगाएका हुन् ।
राजेन्द्रले वलिरहेको मटितेलको टुकी बत्तिले हान्दा श्रीमती सुनिता जलेको प्रहरीले जनाएको छ । शरीर पुरै जलेकी सुनिताको भेरी अञ्चल अस्पतालमा उपचार भइरहेको छ ।
शरीरमा आगो लागेपछि सुनिता चिच्याउँदा छिमेकीले थाहा पाएर प्रहरीलाई खबर गरेपछि उद्धार भएको थियो । श्रीमतीलाई आगो लगाएर भागेका राजेन्द्रको खोजी भइरहेको प्रहरीले जनाएको छ । २३ वर्षकी सुनिताकी डेढ वर्षकी छोरी छन् ।
