दाङ, २६ पुस । दाङको घोराहीमा सञ्चालन हुने महोत्सबको तयारी सुरु भएको छ । माघ २७ गतेदेखि फागुन ९ गते सम्म दाङ घोराहीको नवलपुरमा सञ्चालन हुने मध्यपश्चिम व्यापारिक, सांस्कृतिक एबं पर्यटन महोत्सब २०७३ को तयारी सुरु भएको महोत्सब मुल आयोजक समितिले बताएको छ ।
स्थानिय रुपमा उत्पादित कृषि सामग्री तथा जडिबुटीहरुको विकास र प्रचारप्रसार गर्ने, व्यवसायको प्रर्बधन, पर्यटकिय सम्पदाहरुको पहिचान र विकासका लागि स्थानिय चासो निर्माण गर्नुको साथै प्रचारप्रसार गर्ने, स्थानिय मौलिक संस्कृति, भेषभुषाको संरक्षणका साथै खेलकुदको विकास र सम्मानका लागि महोत्सबले महत्वपुर्ण भुमिका खेल्ने आयोजकले अपेक्षा गरेको छ । महोत्सबलाई व्यापारीक भन्दा पनि स्थानिय विकास र समृद्धिको पक्षलाई बढि भन्दा बढि प्रतिफल प्राप्त गर्ने गरी आयोजना गरेको नवजागरण नेपालले बताएको छ । २ सय ५० बढि स्टलहरु रहने महोत्सबमा स्थानिय व्यवसायीहरुको समन्वय र छलफलबाट अगाडी बढ्ने आयोजकले बताएको छ ।
