दाङ, १३ पुस । युवालाई योजना तर्जुमा सम्बन्धी जानकारी दिइएको छ । घोराहीमा एक अभिमुखीकरण कार्यक्रमको आयोजना गरी योजना छनौट र त्यसका १४ वटा प्रक्रियागत विषयका बारेमा युवालाई जानकारी दिइएको हो ।
कार्यक्रममा जिल्ला विकास समितिका सुचना अधिकृत कृष्ण केसीले योजना छनौट गर्दा पुरा गर्नुपर्ने १४ चरणको बारेमा जानकारी दिएका थिए । बस्ती तहदेखि केन्द्रिय स्तरसम्म योजनाहरु कसरी छनौट हुन्छन् भन्ने विषयमा उनले जानकारी दिए ।
कार्यक्रममा पत्रकार नवीन अभिलाषीले युवा, युवाहरुको अबस्था, युवाहरुका अबसर र चुनौती, विकासमा युवा सहभागिताका विषयमा जानकारी गराएका थिए ।
