एजेन्सी, १० पुस । उडेको केही वेरमै रुसी विमान राडारबाट सम्पर्क बिहीन भएको छ । रुसको सोचीबाट उडेको विमान सम्पर्क बिहीन भएको हो । टियु–१५४ उडानको विमानमा ७० देखि एक सय जना यात्रु रहेको उल्लेख गरिएको छ ।

downloadविमान रुसको रक्षा मन्त्रालयको रहेको खबर छ । तर यसको पुष्टि भने भएको छैन । सिरियाको लटाकिए प्रान्तका लागि उडेको विमान बेपत्ता भएको हो । यस विषयमा रुसी अधिकारीले केही प्रतिक्रिया दिएका छैनन् ।

समाचार संस्था इन्टरफ्याक्सले स्रोतलाई उद्धृत गर्दै विमान नेपाली समय अनुसार आज बिहान ८ बजेर पाँच मिनेटमा राडारको सम्पर्क बाहिर गएको जनाएको छ ।

विमान उडेको २० मिनेटपछि बेपत्ता भएको हो । विमान ब्ल्याक सी नजिक बेपत्ता भएको हो । खोजी भइरहेको रुसको सरकारी टेलिभिजन उद्धृत गर्दै बिबिसीले जनाएको छ ।