आर्थिक अभावमा सुत्केरी आमाको मृत्युपछि नाबालक छोरी किरियामा

गुल्मी, ७ मंसिर । गुल्मीको पुर्कोटदह गाविसमा सुत्केरी आमाको मृत्यु पछि दुई छोरी किरिया बसेका  छन् ।पुर्कोट दह– १ का दुर्गाप्रसाद भुसालकी पत्नी दुर्गा कुमारीको मृत्यु भएपछि किरियामा बसेका दुई छोरीले दागबत्ती पनि दिएका थिए ।

गाउँलेकै सल्लाहअनुसार पतिलाई किरिया नबसालेर छोरीलाई किरिया बसालिएको हो । आठ र ६ वर्षका अरु दुई छोरीलाई भने सानै भएको कारणले किरियामा नराखिएको उनले बताए ।

उनले जीवनको अन्तिम क्षणमा जन्माएकी नाबालिक छोरीलाई भने धर्मछोरी बानाएर पाल्न आफूले लगेको पुर्कोट दह बजारमा मेडिकल सञ्चालन गरिरहेका सिर्सेनी गाविस ९ का विश्व भुसालले बताए ।

दुर्गाकुमारी सुत्केरी भएको चार दिनपछि बायाँतर्फको शरीर नचल्ने गरेर ढलेकी थिइन् । आर्थिक अभावका कारण उनलाई सुरुमा उपचार गर्न लगिएको थिएन । तर सिकिस्त भएपछि अर्घाखाँचीको सन्धिखर्क र त्यहाँबाट बुटवल पर्‍याइए पनि बढी खर्च लाग्ने भएपछि परिवारका सदस्यले सहयोग जुटाउन सकेनन् ।