इन्द्रेणी संवाददता
दाङ, ३१ बैशाख
हिजो परेको हावाहुरी सहितको पानीले पश्चिम दाङमा विद्युत अवरुद्ध भएको छ । हिजो अबरुद्ध भएको विद्युत् सेवा आजसम्म पनि सुचारु नहुन्दा पश्चिम दाङका स्थानीयबासीहरु मर्कामा परेका छन् ।
हिजो दिउँसो आएको हावाहुरीसहितको पानीले विद्युत् पोल तथा तारमा समस्या आएपछि लाइन छोड्न नसकिएको विद्युत् प्राधिकरण शाखा कार्यालय तुलसीपुरले जनाएको छ ।
विजुली नभएपछि यसक्षेत्रका साना उद्योगहरुलाई समस्या परेको छ ।हिजोदेखि पश्चिम दाङका श्रीगाउँ, बाघमारे, शान्तिनगर, धनौरी, पञ्चकुले, पुरन्धारा लगायतका स्थानमा विद्युत अबरुद्ध रहेको छ ।
यसैविच, हिजो परेको वर्षाले रोल्पामा जनधनको क्षति पुगेको छ । भिषण बर्षापछि बाढीले बगाउँदा जिनाबाङ १ का ७० बर्षिय टेकबहादुर घर्ति बेपत्ता हुनुभएको छ । त्यहाँका अन्य २ जना पनि वेपत्ता भएको वताइएको छ ।।
