दाङ बैशाख २७ ।
प्रेस चौतारी नेपालको आठौं अधिवेशनमा पत्रकार सविन प्रियासनलाई प्रदेश नम्वर ५ को प्रमुखमा सिफारिस गरिएको छ । सोमवार घोराहीमा भएको प्रेस चौतारी नेपाल दाङको भेलाले चौतारीका केन्द्रीय सदस्य एवं राप्ती अञ्चल ईञ्चार्ज प्रियासनलाई यही जेठ ६, ७ र ८ गते काठमाडौँमा हुने अधिवेशनमा पाँच नम्वर प्रदेश प्रमुखमा सिफारिस गर्ने निर्णय गरेको हो ।
जिल्ला अध्यक्ष टीका बस्नेतको अध्यक्षतामा भएको भेलाले प्रेस चौतारी नेपालको आठौं महाधिवेशन भव्यरुपमा सम्पन्न गर्नका लागि सशक्त भूमिका खेल्ने निर्णय गरेको छ । त्यस्तै अधिवेसनलाई सफल पार्न केन्द्रीय सदस्य एवं अञ्चल ईञ्चार्ज सविन प्रियासनको संयोजकत्वमा आर्थिक संकलन समिति गठन गरेको छ ।
जसको सदस्यमा सुदर्शन रिजाल, दुर्गालाल केसी, देविका घर्ती मगर, टीका बस्नेत, जेएन सागर, संगीत बस्याल, वसन्त आचार्य, इन्द्र डिसी र दशरथ घिमिरे रहनु भएको छ ।त्यस्तै भेलाले केन्द्रीय अधिवेशनका लागि प्रतिनिधि चयन गरेको छ । ज
समा शरद अधिकारी, सुदर्शन रिजाल, दुर्गालाल केसी, जेएन सागर, संगीत वस्याल, अनन्त आरसी, वसन्त आचार्य, गणेश आचार्य, ओपेन्द्र बस्नेत, प्रेमबहादुर राम्जा, दशरथ घिमिरे, निमुसंगम घर्ती, सुनिता चौधरी, रीता लामा र सुधासुमन ढकाल रहनुभएको छ । त्यस्तै भेलाले केन्द्रीय सदस्य देविका घर्तीमगर र सुरेश सुमन डाँगीलाई केन्द्रीय सचिवमा प्रस्ताव गर्ने निर्णय गरेको छ ।।
