दाङ २५ बैशाख
चर्चित संगितकार तथा गायक सन्तोष श्रेष्ठको एकल गजल गायन शुक्रवार घोराहीमा सम्पन्न भएको छ । राप्ती साहित्य परिषद दाङ शाखाको आयोजनामा भएको कार्यक्रममा गायक तथा संगीतकार श्रेष्ठले करिब दुई दर्जन गजलहरु गाउनु भएको थियो । 
विभिन्न गायक गायीकाहरुले स्वरमा रहेका र आफुले संगीत गरेका गजलहरु श्रेष्ठले गाउनु भएको हो ।
राप्ती साहित्य परिषद दाङ शाखाका अध्यक्ष कमलमणी देबकोटाको अध्यक्षतामा भएको कार्यक्रममा राप्तीका विभिन्न जिल्लाका साहित्यकार तथा सगीत प्रेमीहरुको सहभागिता रहेको थियो । कार्यक्रमको सहजीकरण सचिब दीपक शर्मा समीरले गर्नुभएको थियो ।।
