दाङ, २३ बैशाख
दाङको तुलसीपुर अमिलिया सडक खण्डमा ट्रक पल्टिदा सवारी आवागमनमा समस्या भएको छ । तुलसीपुरवाट नेपालगन्ज जाँदै गरेको ना ६ ख ३०३३ नं को खाली ट्रक अमेलिया चोकदेखि डेढ किलोमिटर उत्तर विच सडकमा पल्टिदा एकतर्फी सडक मात्र खुलाइएको प्रहरीले जानकारी दिएको छ ।
आज विहान ५ वजेतिर अनियन्त्रित भएर पल्टिएको ट्रक पन्छाएर वाटो खुलाउने प्रयास जारी रहेको जिल्ला प्रहरी कार्यालय दाङका प्रहरी नायव उपरिक्षक प्रकाशराज शर्माले जानकारी दिनुभयो । विहानवाटै प्रहरीको सक्रियतामा माइक्रो गाडी आवतजावत गर्ने सम्मको वाटो खुलाइएको उहाँले जानकरी दिनुभयो ।।
