प्युठान, २३ बैशाख
प्युठानमा ट्याक्टर दुर्घटनामा परी दुई वालकको ज्यान गएको छ । रा १ त ९३४ नम्वरको ट्याक्टर दुर्घटनामा परी तिराम–७ का १० वर्षिय वेगम पुन र सोही ठाउँकै ११ वर्षिय दिपेन्द्र पुनको घटनास्थलमै ज्यान गएको जिल्ला प्रहरी कार्यालय प्यूठानले जानकारी दिएको छ ।
गाउँमा बाटो खन्नका लागि ‘एस्काभेटर’लाई इन्धन लगेर गएको ट्याक्टर ‘ब्रेक फेल’ भएर दुर्घटना परेको जिल्ला प्रहरी कार्यालय प्यूठानका प्रहरी नायव उपरिक्षक रंजितसिंँह राठोरले जानकारी दिनुभयो ।
मृतक वालकहरु गाउँमा पहिलो पटक पुगेको ट्याक्टरमा चढेर घरतर्फ फर्कदै गरेको प्रहरीले जनाएको छ ।
घटनास्थल छिमेकी जिल्ला दाङको सिमानामा पर्छ ।।
