इन्द्रेणी संवाददाता
दाङ, २० बैशाख
आजवाट सुरु भएको कक्षा १२ को परीक्षा अन्तर्गत आज परिक्षार्थीहरुले अंगे्रजी विषयको परिक्षा दिएका छन् । आज पहिलो दिन परिक्षार्थीहरुले शान्त र स्वच्छ वातावरणमा परिक्षा दिएको जिल्ला शिक्षा कार्यालय दाङले जानकारी दिएको छ । 
दाङवाट कक्षा १२ को परिक्षा ८ हजार १ सय एक जनाले परिक्षा दिदैछन । दाङमा १६ वटा परिक्षा केन्द्रवाट परिक्षा सन्चालन भइरहेको उच्चमावि शिक्षा परिषद दाङका कार्यालय प्रमुख रामजनम चौधरीले जानकरी दिनुभयो ।
दाङसहित राप्ती अञ्चलमा कुल ४६ परिक्षा केन्द्र तोकिएको छ । वैशाखको ३१ गतेसम्म संचालन हुने कक्षा १२ को परिक्षामा देशभरवाट तीन लाख ४६ हजार चार सय २७ जना सहभागी भएका छन् । परीक्षा सञ्चालनका लागि देशभर नौ सय २१ वटा केन्द्र निर्धारण गरिएको छ ।
हरेक केन्द्रमा एकजना केन्द्राध्यक्ष नियुक्त गरिएको छ । त्यसबाहेक दुई हजार पाँच सय १२ जना सहायक केन्द्राध्यक्ष, एक हजार नौ सय २१ जना पर्यवेक्षक तथा १३ हजार चार सय ३० जना निरीक्षक परिचालन गरिएको छ ।।
