काठमाण्डौ, १५ भदौ ।
थरुहट थारुवान संयुक्त संर्घष समितिले फेरि आन्दोलन घोषणा गरेको छ । राजधानीमा २ दिनसम्म चलेको संर्घष समितीको भेलाले आगामी असोज १४ गतेसम्मका लागी बिभिन्न आन्दोलनका कार्यक्रम गर्ने घोषणा गरेको संर्घर्ष समितीका नेता किशोर कुमार बिश्वासले जानकारी दिनुभयो ।
आफुहरुको १३ बुँदे माग पुरा गर्न सरकार संबेदनशील नभएको आरोप लगाउँदै समितिले मधेश आन्दोलनको छानबिनका लागि गठित समिति आफुहरुलाई मान्य नहुने बताएको छ ।
घोषित कार्यक्रम अनुसार भदौ २४ देखी २९ गते सम्म मेची देखी महाकालीसम्म जिल्ला भेला गर्ने, संबिधान जारी भएको असोज ३ गते बिभिन्न १० स्थानमा बिरोध सभाको आयोजना गर्ने रहेको बिश्वासले जानकारी दिनुभयो । त्यस्तै असोज ७ गते थारु महिलाहरुले मनाउने जितिया पर्वलाई पनि आन्दोलनकै रुपमा मनाउने समितिले निर्णय गरेको छ ।।
