दाङ, ३१ साउन
दाङको रामपुर र लक्ष्मीपुर गाविसमा रहेका तीन दर्जन बढी सामुदायिक वन उपभोक्ता समूहले आफ्नो साधारणसभा भदौभित्रमा गरिसक्ने निर्णय गरेका छन । सामुदायिक वन उपभोक्ता महासंघ सुनपुर इलाका महासंघको रामपुरमा सम्पन्न रेञ्जपोष्ट स्तरीय भेलाले लेखापरिक्षण गरी सवै वन समूहहरुले भदौभित्र आफ्नो साधारणसभा गरिसक्ने निर्णय गरेको हो । रामपुर र लक्ष्मीपुर गाविसमा रहेका ३६ वटा वन समूहका अध्यक्षहरु, इलाका महासंघका पदाधिकारी सहित सदस्यहरुको भेलाले साधारणसभा गरी सम्वन्धित कागजात सरोकारवाला निकायमा पठाउने निर्णय पनि गरेका छन ।
सुनपुर इलाका महासंघका अध्यक्ष दामोदर शर्माको सभापतित्व एंव वन महासंघ दाङका सचिव हेमराज शर्माको प्रमुख आतिथ्यतामा भेला भएको थियो । भेलामा सवै वन समूहहरुले गत आर्थिक बर्षमा गरेका गतिबिधिबारे वन समूहका अध्यक्षहरुले जानकारी गराएका थिए । भेलाले इलाका महासंघका सवै समूहहरुको लेखापरिक्षणकालागि लेखापरिक्षक पनि नियुक्त गरेको छ । भेलामा वन महासंघका जिल्ला सदस्य खिमा अधिकारी, इलाका महासंघका महासचिव पार्वता सुवेदी, सचिव निर्मलकुमार शर्मा, कोषाध्यक्ष खिमा सुवेदी, वन सहजकर्ता कुसुम गौतम लगायतकाले बोल्नु भएको थियो ।।
((
