काठमाडौं । १८ महिनासम्म संघीय सरकारमा सहकार्य गरेर छुटिएका नेकपा एमालेका अध्यक्ष केपी शर्मा ओली र नेकपाका अध्यक्ष पुष्पकमल दाहाल फेरि सहकार्यमा जुटेका छन् । नकपा एमाले र रास्वपाको समर्थनमा प्रचण्ड १८ महिनासम्म संघ सरकारको नेतृत्व गरेका थिए ।
सत्ता सञ्चालनका क्रममा खटपट परेपछि २०८१ असारमा एमालेले सरकारलाई दिएको समर्थन फिर्ता लिएपछि प्रचण्ड सरकारको नेतृत्वबाट ओरालिएका थिए । त्यसपछि एमालेले असार १७ गते काग्रेससँगको सहकार्यमा पार्टी अध्यक्ष केपी शर्मा ओली सरकारको नेतृत्वमा पुगेका थिए । यसरी सत्ताको खेलमा मन नमिल्दा ओली र प्रचण्ड एक अर्काको चर्काे विरोध गर्दै आएका थिए । अझ भन्दा करिव करिव बोलचालनै बन्दको अवस्थामा पुगेका थिए ।
गएको भदौ २३ र २४ गतेको जेनजी आन्दोलपछि सत्ताचुत्त भएका ओली र बिलाएका प्रचण्ड त्यसपछि भएको संसदको चुनावबाट नराम्ररी पछारिए । करिव करिव सकिएकै अवस्थामा पुगेपछि उनीहरु फेरि अहिले सहकार्यको हात अघि बढाएका छन् । फेरि उनीहरुले औपचारिक भेटघाट सुरु गरेका छन् ।
