इन्द्रेणी संवाददाता
तुलस्पिुर, २ बैशाख
दाङको तुलसीपुरमा ट्याक्टर दुर्घटना हुँदा एक जनाको मृत्यु भएको छ । सल्यानवाट तुलसीपुर आँउदै गरेको लु २ त २५५८ नं को ट्याक्टर तुलसीपुर नगरपालिका १ राम्री भन्ने स्थानमा गएराति दुर्घटना भएको प्रहरीले जानकारी दिएको छ ।
दुर्घटनामा परी घाइते भइ अचेत अवस्थामा रहेका नाम थर खुल्न नसकेका अन्दाजी ३० वर्षका एक जना पुरुषको उपचारको क्रममा अञ्चल अस्पताल तुलसीपुरमा ज्यान गएको जिल्ला प्रहरी कार्यालय दाङका प्रहरी नायव उपरिक्षक डिएसपी प्रकाशराज शर्माले जानकारी दिनुभयो ।
ट्याक्टर सडकवाट १ किलोमिटर तल खस्दा इन्जिन भाँचिनुका साथै टुक्रा टुक्रा परेको प्रहरीको भनाइ छ । यसैविच, सोही घटनास्थल नजिकै आज विहान १ व्यक्ति मृत अवस्थामा भेटिएका छन । दुर्घटनामा परी मृत्यु भएको हो वा अन्य कारणले ति व्यक्तिको मृत्यु हो भन्ने वारेमा केहि खुल्न नसकेको वताइएको छ । उक्त दुर्घटना र मृत भेटिएका व्यक्तिवारे अनुसन्धान थालिएको छ ।।
