तुलसीपुर । केही दिनदेखि बढ्दै गएको अत्याधिक गर्मीका कारण तुलसीपुर क्षेत्रका विद्यालय पाँच दिन बन्द हुने भएका छन् ।
गर्मीका कारण पठनपाठनमा समस्या हुनुका साथै स्कूले बालबालिकाको स्वास्थ्यमा समेत प्रतिकुल असर पर्ने सम्भावना भएकाले जेठ २६ गतेदेखि जेठ ३० गतेसम्म तुलसीपुरका निजी तथा सामुदायिक विद्यालयहरु बन्द हुने भएका हुन् ।
उपमहानगरपालिका अन्तर्गत रहेको शिक्षा समितिले गर्मीका कारण विद्यालय बन्द गर्ने निर्णय गरेपछि शिक्षा शाखाले एक विज्ञप्ती जारी गर्दै सामुदायिक र संस्थागत विद्यालयलाई तोकिएको मितिसम्म विद्यालय बन्द हुने भएका हुन् ।
