दाङ, ९ साउन
लैंङ्गिक हिंसा न्युनिकरणका लागि गढवामा मैत्रिपुर्ण फूटबल प्रतियोगिता सम्पन्न भएको छ । लैंगिक हिंसा न्युनिकरणका लागि आश्था परियोजना अन्तर्गत गढवा गा.वि.समा गठित सौर्य पुरुष समूहले “महिलाको सम्मान गरौं, सभ्य पुरुष बनौ ” भन्ने मूल नाराका साथ आयोजना गरिएको मैत्रिपुर्ण फूटबल खेल शनिबार सम्पन्न गरिएको सौर्य पुरुष समूहका संयोजक पटवारी यादवले जानकारी दिनुभएको छ ।
साथिको सहयोगमा सीसा नेपालले दाङजिल्लामा संचालन गरिरहेको महिलाको प्रगतिमा बाधक भएका सामाजिक बाधाहरुको सम्बोधन “आश्था ” परियोजना अन्तर्गत पुरुष परिचालनको पाटोलाई मुख्यरुपमा लिईएको सीसा नेपालका कार्यक्रम संयोजक बिष्णुकुमार देवकोटाले जानकारी दिनुभयो ।
खेल मार्फत महिलाहरुलाई सम्मानपुर्वक व्यबहार गर्ने आफ्नो थिम रहेको खेलाडिहरुले प्रतिबद्धता व्यक्त गरेका छन् । खेल सुरुहुनुपुर्व सीसा नेपालका कार्यक्रम संयोजक बिष्णुकुमार देवकोटाले आश्थाको उद्धेस्य, लैगिंक हिंसा न्युनिकरणका लागि पुरुषहले खेल्नुपर्ने भुमिकाको बिषयमा प्रशिक्षणात्मक मन्तव्य व्यक्तगर्नुभएको खेलाडि बालकृष्ण लामिछानेले जानकारी दिनुभयो ।।
