दाङ, २९ पुस । राप्ती साहित्य परिषद् जिल्ला शाखा दाङले नियमित रूपमा संचालन गर्दै आएको छन्द संगम कार्यक्रम सम्पन्न गरेको छ । ६६ औं श्रृङ्खला अन्तर्गत छन्द संगम कार्यक्रम सम्पन्न भएको हो ।
राप्ती साहित्य परिषद् जिल्ला शाखा दाङका अध्यक्ष दीपक शर्मा समीरको अध्यक्षता एवम् वरिष्ठ साहित्यकार गणेश विशमको प्रमुख आतिथ्यता तथा राप्ती साहित्य परिषद्का निर्वतमान केन्द्रीय अध्यक्ष एवम् वर्तमान केन्द्रीय सल्लाहकार पुरूषोत्तम खनालको विशिष्ट अतिथ्यतामा कार्यक्रम सम्पन्न गरिएको हो ।
साहित्यकारहरू डा हिमलाल पन्थी, खगराज न्यौपाने, अर्जुन शर, हरिप्रसाद पौडेल ूस्वर्ण शिखाू, गिरीप्रसाद पन्थी, विना रोका, श्रवण नेपाली लगायतले रचनाहरू वाचन गरेका थिए । कार्यक्रममा वाचित रचनाहरूको समीक्षा साहित्यकार डा हिमलाल पन्थीले गरेका थिए।
परिषद् दाङ शाखाका सदस्य हरिप्रसाद पौडेल ूस्वर्ण शिखाूको स्वागत मन्तव्यबाट शुभारम्भ भएको कार्यक्रमको सहजिकरण परिषद् दाङ शाखाका सचिव प्रकाश केसीले गरेका थिए ।
