कपिलवस्तु, ५ साउन
कपिलवस्तुको भृकुटी नगरपालिका ८ कुमालटोलका बाबुछोराको स्थानीय गुडुरुवा खोलाले बगाउदा ज्यान गएको छ । मृत्यु हुनेमा ५९ बर्षीय ताराबहादुर खड्का र २९ बर्षीय छोरा दुधमान खड्का रहेका छन् । 
मानसिक सन्तुलन गुमेका छोरा दुुधमानले बाबुसँग झगडा गरेका र त्यसलगत्तै स्थानीय बलवा गुडुर्वा खोलामा हामफालेका प्रत्यक्षदर्शीले बताएका छन् । छोरालाई बचाउन बाबु ताराबहादुर पनि खोलामा पसेका थिए ।
खोलाको भेलले दुवै बाबुछोरालाई बगाउँदा उनीहरुको ज्यान गएकोे इलाका प्रहरी कार्यालय गोरुसिंगेका असई निर्मल बुढाथोकीले जानकारी दिनुभयो ।
मृतक बाबुछोराको शवलाई पोष्टमार्टमका लागी जिल्ला अस्पताल तौलिहवा लैजाने तयारी गरिएको प्रहरीले जनाएको छ । बेपत्ता बाबु छोराको खोजिका लागि कालिजंग गणका नेपाली सेना र इप्रका गोरुसिंगेका प्रहरी परिचालन गरिएको थियो ।।
