काठमाडौ । नयाँ शिक्षा ऐन प्रमाणिकरण भएसँगै विद्यालयहरुका शिक्षण सिकाइ क्रियाकलापमा असर परेको छ । देशभर रहेका करिब १७ हजार अस्थायी शिक्षकहरुको विषयमा ऐनमा उल्लेख भएको वुँदाले शिक्षण क्रियाकलापमा असर पुगेको शिक्षक तथा प्रधानाध्यापकहरुले गुनासो गर्न थालेका छन् ।
आफ्नो विद्यालयमा रहेका अस्थायी शिक्षकहरुलाई काम गर्नुप¥यो भन्दा आज जाने हो कि भोलि ?’ भन्दै उल्टै भन्न थालेका बिद्यालयले बताएका छन् । जति सक्दो छिटो ऐन कार्यान्वयनमा ल्याएर विदाई नगर्ने हो भने झन धेरै समस्या आउने हो भन्ने बिद्यालयलाई डर छ ।
असार १५ गते जारी भएको ऐनले अस्थायी शिक्षकले प्रतिस्पर्धा र अवकासमध्ये कुनै एक रोज्न पाउने व्यवस्था गरेको छ । उक्त ब्यवस्थाका कारण अस्थायी शिक्षकहरु काममा गम्भिर नहुँदा दैनिक शिक्षण क्रियाकलापमा असर पुगेको हो ।
