काठमाडौं, ४ साउन । नेपाल र विश्वकै पुरानो मेरिलिबोन क्रिकेट क्लब एमसिसीबिच बेलायतको लर्ड्स मैदानमा हुने खेल नेपालमै बसेर प्रत्यक्ष हेर्न पाइने भएको छ ।
लर्ड्स क्रिकेटको युट्युब च्यानलमार्फत प्रत्यक्ष प्रशारण हेर्न पाइने भएको हो । लर्ड्सको फेसबुक पेजमा गएर लाइभ अपडेटहरु पनि पाउन सकिन्छ । लर्ड्समा खेल्न पाउनुलाई नेपाली खेलाडीले आफूलाई भाग्यमानी ठानेका छन् । खेल नेपाली समय अनुसार मंगलबार दिउँसो सवा तीन बजेपछि सुरु हुनेछ ।
यस्तो मौका बारम्बार नआउने भएकाले लर्ड्समा नेपाली टोलीले सकेसम्म राम्रो प्रदर्शन गर्ने नेपाली राष्ट्रिय टिमका कप्तान पारस खड्काले बताएका छन् ।
