काठमाडौं, २८ पुस । तत्काल मुद्दा नचलाउने निर्णय गरी जिल्ला सरकारी वकिल कार्यालय काठमाडौंले अनुसन्धान प्रतिवेदन प्रहरीमा फिर्ता गरिदिएपछि बालुवाटार जग्गा हिनामिना प्रकरणका मुख्य बिचौलिया भनिएका रामकुमार सुवेदी छुटेका छन् ।

सरकारी वकिल कार्यालयकै निर्देशनमा प्रहरीको केन्द्रीय अनुसन्धान ब्युरो ९सिआइबी०ले उनलाई मंगलबार आफन्तको जिम्मा लगाएर छाडेको हो ।

तीन साताअघि श्रीमती माधवीसहित उनलाई प्रहरीले पक्राउ गरेको थियो । सिआइबीले लिखत किर्ते कसुर मुद्दा चलाउन रायसहितको प्रतिवेदन पठाएकोमा अनुसन्धान पूरा नभएको भन्दै सरकारी वकिल कार्यालयले सोमबार फाइल सिआइबीमा फिर्ता पठाएको थियो । जसअनुसार तत्काल मुद्दा नचल्ने भएपछि बिचौलिया छुटेका हुन् । तत्काल मुद्दा अघि बढ्ने अवस्था नभएपछि उनीहरू छुटेका हुन् ।

सरकारी वकिल कार्यालयकै निर्देशनमा खोजेको बखत उपस्थित हुने गरी सुवेदीदम्पतीलाई आफन्तको जिम्मा लगाएर छाडिएको सिआइबीका प्रवक्ता एसपी श्यामकुमार महतोले बताए । अर्का बिचौलिया भनिएका शोभाकान्त ढकाल भने जेलमै छन् ।

अख्तियार दुरुपयोग अनुसन्धान आयोगले विशेष अदालतमा दायर गरेको मुद्दामा पनि सुवेदी फरार छन् । त्यस विषयमा सिआइबीले विशेष अदालतलाई ‘उपस्थित गराउनु पर्ने वा नपर्ने’ भनेर पत्र लेखेको थियो । जसमा विशेषले उनी आफैँ उपस्थित हुन पाउने समय बाँकी रहेको जवाफ दिएपछि सिआइबीले उनलाई छाडेको हो । मुद्दा दायर भएको करिब दुई वर्षसम्म पनि सुवेदी अदालतमा उपस्थित भएका छैनन् । नयाँ पत्रिकाबाट