इन्द्रेणी संवाददाता
देउखुरी २ साउन
दाङमा आज ट्रकको ठक्करवाट एक जनाको मृत्यु भएको छ भने अर्का एक जना घाइते भएका छन । बुटवलबाट दाङ आँउदै गरेको ना ४ ख २६७४ नम्बरको ट्रकले बिपरित दिशबाट आईरहेको लु २८ प ४२ नम्बरको मोटरसाईकललाई बिहान देउखुरी लालमटियाको पाखापानीमा ठक्कर दिएको हो । 
ट्रकको ठक्करबाट मोटरसाईकलमा सवार कपिलबस्तु जिल्ला मोतीपुर—४ चौघाका बर्ष २९ का कपिल बस्नेतको घटना स्थलमा मृत्यु भएको छ यस्तै दुर्घटनामा मोटरसाईकल चालक लालमटिया—३ पाखापानीका बर्ष ३८ का पिताम्बर बस्नेत घाईते हभएको ईलाका प्रहरी कार्यालय भालुवाङले जनाएको छ ।
घाईते बस्नेतको प्राथामिक स्वास्थ्य केन्द्र लमहीमा उपचार भइरहेको छ । मृतक बस्नेतको शब भने लमहीमा पोष्टमार्टम पछि परिवारको जिम्मा लगाईने ईलाका प्रहरी कार्यालय भालुवाङले जनाएको छ । ठक्कर दिने ट्रक, ट्रक चालक र मोटरसाईकललाई प्रहरीले आफ्नो नियन्त्रणमा लिएको छ ।।
