आज तुलसीपुर क्षेत्रका निजी विद्यालयहरु बन्द हुने भएका छन् । जीवनप्रेमी एजुकेयर एकेडेमी तुलसीपुर ९ बेलुवाका सञ्चालक एवं प्रिन्सिपल बिरेन्द्रधर पुन मगरको मृत्युको शोकमा आज तुलसीपुर क्षेत्रमा प्याव्सन तथा एन प्याव्सनमा आवद्ध निजी विद्यालयहरु बन्द हुने भएका हुन । आज प्याव्सन र एन प्याप्सन दाङले छुटाछुटै बिज्ञप्ति जारि गरी आज एक दिनका लागी पुनको मृत्युको शोकमा बिद्यालय बन्द हुने जनाईएको छ ।
प्याव्सनका जिल्ला अध्यक्ष यादव गिरी, सचिव मधुसुदन केसी र तुलसीपुर क्षेत्र संयोजक तेजबहादुर केसी तथा एन प्यापसन दाङका अध्यक्ष प्रकाश कुमार शर्मा र सचिव बिलम गौतमले शोक वक्तव्य जारी गरी जीवनप्रेमी एजुकेयर एकेडेमी तुलसीपुर ९ बेलुवाका सञ्चालक एवं प्रिन्सिपल बिरेन्द्रधर पुन मगरको निधनले दाङको शिक्षा क्षेत्रमा ठूलो क्षति भएको भन्दै दिवंगत आत्माको चिरशान्तिको कामना गरिएको छ । पुनको हृदयघातका कारण नेपालगंज नर्सिङ् होममा शनिबार दिउसो मृत्यु भएको हो ।
उहाको घोराहीमा उपचार पछि थप उपचारका लागि नेपालगंज नर्सिङ् होममा लगिएको अबस्थामा ४५ बर्षको उमेरमा मृत्यु भएको हो । पुनले तुलसीपुर ९ बेलुवामा जीवन प्रेमी एजुकेयर एकाडेमी संचालन गर्दै आउनु भएको छ भने तुलसीपुर नगरपालिकाको ‘ङ’ लाईनमा जीवन प्रमी मेडीकल पनि सञ्चालन गर्दै आउनु भएको थियो । पुनको आज बिहान १० वजे सितलपुर स्थित बबई घाटमा दाहसंस्कार गरिने बताईएको छ ।
