चितवन, १ साउन
दक्षिण चितवनको माडीमा हात्तीको आक्रमणबाट गए राति एक वृद्धाको मृत्यु भएको छ । घरमै सुतिरहेकी वृद्धाको चितवन राष्ट्रिय निकुञ्जबाट बस्ती छिरेको हात्तीले आक्रमण गर्दा ज्यान गएको जिल्ला प्रहरी चितवनले जनाएको छ ।
माडी नगरपालिका–८ हरिनगरका ७५ वर्षीया जल्पु पावेको शुक्रबार राति मृत्यु भएको प्रहरीले जनाएको छ । हात्ती घरभित्र प्रवेश गरी आक्रमण गर्दा पावेको मृत्यु भएको हो ।
उनको शवलाई स्थानीय माडी अस्पतालमा राखिएको छ । हात्तीले उनको घरमा समेत क्षति र्पुयाएको छ । माडी क्षेत्रमा वर्षेनी वन्यजन्तुको आक्रमणबाट स्थानीयको मृत्यु हुने गरेको छ ।।
