इन्द्रेणी संवादाता
रोल्पा, ३१ असार
रोल्पामा किर्ते हस्ताक्षर गरी बैंकबाट पैसा निकालेको आरोपमा एक शिक्षक पक्राउ परेका छन । जिल्ला प्रहरी कार्यालय रोल्पाले सँगै होटेलमा बसेका साथीको झोलाबाट चेक चोरेर किर्ते हस्ताक्षर गरी बैंकबाट पैसा निकालेको आरोपमा लालबहादुर खड्कालाई पक्राउ गरेको हो । 
प्रहरीका अनुसार खड्काले घर्तीगाउँ–८ को सिद्घनाथ प्राथमिक विद्यालयका प्रधानाध्यापक कृष्णबहादुर घर्तीमगरको झोलाबाट चेक चारेर किर्ते हस्ताक्षर गरी दुई लाख ६० हजार निकालेका थिए । सल्यान घर भएका खड्का पाखापानी– ५ स्थित जनता प्राथमिक विद्यालयका प्रधानाध्यापक हुन ।
उनलाई लिबाङको सात्तालेखोलाबाट नगदसहित पक्राउ गरेको जिल्ला प्रहरी कार्यालय रोल्पाका प्रवक्ता प्रहरी निरीक्षक केशवबहादुर बस्नेतले जानकारी दिनुभयो । चोरी गर्ने प्रधानाध्यापक लाललबहादुरलाई जिल्ला अदालत रोल्पाबाट चोरी मुद्दामा म्याद थप गराई थप अनुसन्धान भइरहेको प्रहरीले जनाएको छ ।।
