घोराही, २१ असार
दाङ प्रहरीले विभिन्न स्थानवाट जुवाडेहरुलाइ पक्राउ गरिरहेको छ । आज पनि जुवा खेलिरहेका ७ जना साढे ९४ हजार रुपैयाँ सहित पक्राउ परेका छन । घोराही नगरपालीका ११ को एक घरमा जुवा खेलिरहेका ७ जनालाई ९४ हजार ५ सय ३० रुपैयाँ सहित प्रहरीको विषेश टोलीले नियन्त्रणमा लिएको हो ।
जुवा खेलाउने शंकरप्रसाद चौधरी सहित घोराही ११ दलबहादुर वली, त्रिपुर २ का डिल्लीबहादुर वली, घोराही १० का चन्द्रबहादुर पुन, यज्ञबहादुर वली, खेम श्रेष्ठ, बयन बुढा र हिरा रावतलाई पक्राउ गरिएको दाङका प्रहरी प्रबक्ता डिएसपी प्रकाशराज शर्माले जानकारी दिनुभयो ।
उनिहरुको साथबाट तास खेल्नका लागि बिच्छ्याउने दरी एक थान, ४ गड्डी तास र जुवा खेल्न प्रयोग भएको एक सय ९० वटा सिमीका गेडा बरामद गरेको प्रहरीले जनाएको छ । यस अघि प्रहरीले गत १८ गते तुलसीपुर ५ रानीजरुवावाट १६ जना र असार ११ गते लक्ष्मीपुर ६ बर्गदुवाबाट ११ जनालाई नियन्त्रणमा लिएको थियो ।।
