रोल्पा, २० असार
मुक्तककार गंगा चिन्तितको ‘अभाव’ मुक्तकसङ्ग्रह रोल्पाको लिबाङमा सार्वजनिक गरिएको छ । मुक्तकसङ्ग्रहको प्रकाशन संस्था ललित साहित्य परिषद्, रोल्पाले लोकार्पण कार्यक्रमको आयोजना गरेको हो । 
कार्यक्रममा प्रमुख अतिथि खेमराज शर्मा, विशेष अतिथि डी.बी. टुहुरो, नेपाल पत्रकार महासंघ, रोल्पाका अध्यक्ष महेश न्यौपाने र परिषद्का कार्यवाहक अध्यक्ष लोक आलोकले संयुक्त रुपमा कृति लोकार्पण गर्नुभयो ।
मुक्तकसङ्ग्रह माथि नेपाल मुक्तक प्रतिष्ठान रोल्पा शाखाकी अध्यक्ष देवी गुरुङले गनुृभएको थियो । ‘अभाव’ भित्र मुक्तककारले जीवन भोगाई, सामाजिक विकृत विसंगतीलाई उठाएको समिक्षक गुरुङले बताउनुभयो । एक सय वटा मुक्तकहरु सङ्गृहित मुक्तकसङ्ग्रह परिषद्को २५ औं प्रकाशन हो ।।
