इन्द्रेणी संवाददाता
दाङ, १८ असार
दाङको लक्ष्मीपुर गाविसमा दुई दिने तरकारी खेति सम्बन्धी तालिम शुक्रवा सम्पन्न भएको छ । लक्ष्मीपुर गाविसको आयोजनामा गाविसका कृषकहरुको लागि तालिम दिईएको गाविस सचिब पुनाराम गिरीले जानकारी दिनुभएको छ ।
गाविसका २५ जना कृषकहरुको लागि तरकारी खेति सम्बन्धी तालिम दिईएको हो । तालिम लिए पछि कृषकहरुले खुशी ब्यक्त गरेका थिए । तालिमको प्रशिक्षकमा तेजप्रसाद शर्मा रहनु भएको छ ।
साथै तालिमको आज एक कार्यक्रमको आयोजना गरी समापन समेत गरीएको छ । गाविस सचिब पुनाराम गिरीको अध्यक्षता तथा प्रशिक्षक तेजप्रसाद शर्माको प्रमुख आतिथ्यतामा भएको कार्यक्रममा सहभागिहरु संगीता सबेदी र विनोद शर्मा लगाएतले बोल्नु भएको गाविसका सामाजिक परिचालक हेमराज पौडेलले जानकारी दिनुभएको छ ।
साथै कार्यक्रममा आगामी दिनहरुमा बास्तविक कृषकहरुको क्षमता विकासका लागि बजेट तथा कार्यक्रमहरु विनियोजन गर्ने विषयमा छलफल भएको छ ।।
