बर्दिया, असार ८ – नदी बिचमा रहेको अग्लो खाली जमिनमा घाँस काट्न गएका २० जना अलपत्र परेका छन् । बर्दियाको बबई नदीमा बाढी 
आउँदा नदीमा रहेको पानीको मात्रा बढेसँगै उनीहरु बिच भागमै अड्किएका हुन् ।
बबई नगरपालिका अन्तरगत बरगदा गाउँ नजिक बबइ नदीको बिचमा रहेको खाली जमिनमा उनीहरु फसेका हुन् । आफूहरु बाढीका कारण भंगालोमा फसेको भन्दै फसेका मध्ये एक जनाले फोन गरेका थिए । भंगालो नजिकै घाँस दाउराका लागि गएका अन्य २३ जनालाई भने नेपाल प्रहरीले उद्धार गरिसकेको जनाएको छ ।
भंगालोमा फसेका २० जनाको उद्धारको लागि बर्दिया राष्ट्रिय निकुञ्ज र नेपाली सेनाको टोली खटिएको छ । डुंगाको सहायताले उद्धारको काम भइरहेको पनि सेनाले जनाएको छ । बुधबार बिहान ठूलो वर्षाभएसँगै नदीमा पानीको बहाव बढेको थियो ।
