ओमप्रकाश गुप्ता
सिसहनिया ८ असार ।
युवाहरुका लागि सात दिने हाउस वोइरिङ तालिम मंगलवार सिसहनियाँमा सम्पन्न भएको छ । सिसहनियाँ युवा सञ्जालको आयोजना एवम् सिसहनियाँ गाविसको आर्थिक सहयोगमा तालिम सम्पन्न भएको हो । 
युवा सञ्जालका उपाध्यक्ष तथा तालिम संयोजक कुमार अधिकारीको अध्यक्षता एवम् गाविस सचिव मंगलप्रसाद चौधरीको प्रमुख आतिथ्यतामा भएको तालिम समापन कार्यक्रममा बोल्ने वक्ताहरुले सिपमुलक तालिमको माध्यमबाट युवाहरु आत्म निर्भर बन्ने बताएका थिए । साथै उनीहरुले ७ दिन सम्म सिकेका कुरालाई व्यवाहारमा लागु गर्न अनुरोध समेत गरेका थिए ।
गाविसका ९ ओटै वडाका २५ जना युवाहरुको सहभागिता रहेको तालिमको प्रशिक्षकमा नारायणप्रसाद चौधरी रहनु भएको थियो । कार्यक्रमको सञ्चालन पत्रकार ओमप्रकाश गुप्ताले गर्नु भएको थियो ।।
