इन्द्रेणी संवाददाता
दाङ, ८ असार
अफगानिस्तानको राजधानी काबुलमा अस्ती भएको आतंककारी आक्रमणमा परी निधन भएका १२ नेपालीको सम्झना र घाईतेहरुको शिघ्र स्वास्थ्यलाभको कामना गर्दैै मंगलवार दाङमा दिप प्रज्वलन गरिएको छ ।
घोराहीको शहिद गेटमा पत्रकारहरुको आयोजनामा निधन भएका १२ नेपालीको सम्झना र घाईतेहरुको शिघ्रस्वास्थ्य लाभको कामना गर्दै दिपप्रज्वलन गरिएको हो ।
गणतन्त्र दैनिक पत्रिकाका उप सम्पादक निशानदाजु भटराईको अध्यक्षता एवं नेपाल पत्रकार महासंघका पूर्ब केन्द्रिय उपाध्यक्ष बिपुल पोख्रेलको प्रमुख आतिथ्यतामा भएको कार्यक्रममा बक्ताहरुले मृतक नेपालीहरुप्रति श्रद्धाञ्जली र घाइतेहरुको शीघ्र स्वास्थ्य लाभको कामना गरेका छन् ।
मृतकहरुको पार्थिव शरीरलाई यथाशीघ्र नेपाल फर्काउने व्यवस्था गर्न, घाइतेहरुको उपचारको प्रवन्ध मिलाउन, मृतक तथा घाइतेहरुका परिवारजनहरुलाई उचित क्षतिपूर्तिको प्रबन्धका लागि कुटनीतिक पहल थाल्न र बैदेशिक रोजगारलाई सुरक्षित बनाउन समेत आग्रह गरिएको छ । कार्यक्रमको सहजिकरण नविन अभिलाषीले गर्नुभएको थियो ।।
