घोराही । चुनावी अभियानअन्तर्गत उप–प्रधानमन्त्री एवं दाङ निर्वाचन क्षेत्र नं २ का प्रतिनिधिसभा सदस्य पदका उम्मेदवार कृष्णबहादुर महराले जनयुद्धका शहिद परिवारलाई भेटघाट गरिरहेका छन् । उनले ढिकपुर स्थित शहिद टिकाराम चौधरीकी आमा कृष्णी चौधरीलाई भेटेका छन् । महराले कृष्णीलाई परिवारको अवस्थाको वारेमा बुझेका थिए ।

sahid ki aama with mahara

‘हामी छोराको सपना पूरा भएको हेर्न चाहन्छौं,’ कृष्णीले भनिन्, ‘तपाई चुनाव जितेर देशको विकास गर्नुहोला ।’ उनले छोराको सपना पूरा गर्नका लागि महरालाई आग्रह समेत गरिन् । कृष्णीले जित सुनिश्चित भएकाले महरालाई शुभकामना समेत दिइन् ।

महराले कृष्णीलाई आफू शहिदको सपना पूरा गर्न प्रतिवद्ध भएको बताए । उनले पछिल्लो दश वर्ष आफूले देशमा शान्तिप्रकृया र संविधान निर्माणमा ध्यान दिएको बताए । उनले अब दाङको विकासमा लाग्ने जानकारी दिए ।